ဆိုရိုးစကား တစ်ခုရှိတယ်
လက်သမားတစ်ယောက်ရဲ့ 
အိမ်တံခါးတွေဟာ
အပျက်တွေချည်းပဲတဲ့။
ပန်းရန်ဆရာတစ်ယောက်ရဲ့ 
ဝန်ခံချက်ကတော့
ဟိုတယ်မှာ တစ်ခါမှ
မတည်းခိုဖူးတဲ့ အကြောင်း။
မိမိမှာ
စေ့စပ်လက်စွပ် မရှိပါ လို့ 
ပန်းထိမ်ဆရာတစ်ယောက်က
ထွက်ဆိုဖူးတယ်။
လယ်သမားကြီးတစ်ယောက်ကတော့
ဒေါ်လာဆိုတာ
ဘယ်လိုဟာမျိုးလဲလို့ 
မေးနေရှာလေရဲ့ ။
ကိုယ့်ပုံတူကို
ကိုယ်ပြန်ဆွဲဖို့ 
တစ်သက်လုံး မေ့လျော့နေခဲ့တာ
ပန်းချီဆရာတစ်ယောက်ပေါ့။
ဘာပဲဖြစ်ဖြစ်
ဖဲ့ထုတ်ခံရတဲ့
သစ်သားစတွေ မပါဘဲနဲ့ တော့
ပန်းပုရုပ် တစ်ရုပ်
ဖြစ်မလာနိုင်ဘူးလေ။ ။
Credit - ဆရာမင်းလူ
အောင်မြင့်မြတ်(Myanmar Youths)
No comments:
Post a Comment
လာလည်သူအပေါင်းပျော်ရွှင်ပါစေ