ကျွန်တော့်လွယ်အိတ်ထဲမှာလာငြိနေတဲ့နှင်းဆီ အပိုင်း(၁)

" ကိုယ့်အပြစ်တော့ မဖြစ်ပါရစေနဲ့တော့ ဝေ"


နေရောင်ခြည်မျှော်နေရတဲ့ ပန်းငုံကလေး လန်းဆန်း လတ်

ဆတ်စွာ ပွင့်လန်းမွှေးပျံ့လာဖို့ဟာ တို့ရဲ့တာဝန် မဟုတ်လား။

ခိုင်မာရှည်ကြာတဲ့ သံယောဇဉ်မြေဆီမှာ ပေါက်ဖွားကြီးပြင်လာတဲ့

သစ်ပင်ကလေးတစ်ပင်ဟာ နားလည်မြတ်နိုးမှု မိုးစက်တွေအောက်

မှာ ဘယ်သူမှ မပြုစုရပါပဲ ရှင်သန်ကြီးထွားခဲ့ပေါ့။ ခုဆို ပန်းကလေး

တွေပွင့်ဖို့ အစီအရီ ဖူးငုံငံ့လင့် နေကြပြီဝေ။ မနက်မိုးသောက်လို့ 

နေရောင်ခြည်တွေဖျန်းပက်လိုက်တာနဲ့ ပွင့်လန်းမွှေးပျံ့လာကြမှာ။

အကြာကြီးမစောင့်ရပါဘူး ဝေ။ မနက်မိုးသောက်ချိန်အထိလေးပါပဲ။ 


ကိုယ့်အပြစ်တော့ မဖြစ်ပါရစေနဲ့တော့ ဝေ .... ။


မကွေးဆေးတက္ကသိုလ်ဆီကို ဦးတည်နေတဲ့ ကျောင်းဖယ်ရီ

အာတီစီကားကြီးက လှုပ်လီလှုပ်လဲ့ရွေ့လျားနေလေရဲ့။


"အမလေး ဘာလို့အတင်းတိုးနေတာလဲ ။ ဒီမှာ ဒီလောက်ကျပ်နေ

တာကို"

"အာ ဟိုဆောရီးပါဗျာ မတော်လို့ပါ "


ကျွန်တော့ကချင်လွတ်အိတ်က ငွေခေါင်းလောင်းလေးတွေမှာ 

လာငြိမ်နေတဲ့သူ့ဆံပင်တွေကို ကျွန်တော် အသာအယာဖြေလိုက်

တယ်။ 


" လုပ်ပါဦး ဖြေလို့မရတော့ဘူး ဆွဲဖြတ်လိုက်မယ်နော် "


ရှက်ရွံ့စွာ ဟိုဘက်လှည့် နေရာကနေ ကျွန်တော့်ကို လှည့်ကြည့်

တယ်။ အားပါးပါး လှလိုက်တာဗျာ။ မိုးပေါ်က နတ်သမီးကလေးများ  

ကျောင်းကားပေါ် ရောက်လာတော့သလားလို့ ထင်မိတယ်။ အင်္ကျီ

ပန်းရောင်ဝမ်းဆက်နဲ့ မိန်းမလှလေးတစ်ယောက် မတ်တပ်ရပ်စီး

နေရတာ ပွဲကတော့ သိပ်ကြည့်မကောင်းလှဘူး။ ထိုင်ခုံတွေကလည်း

အပြည့်၊ တစ်ယောက်မှလည်း ထပေးမယ့်ပုံမပေါ်။ အကျီ်လက်တို 

ကလေးအောက်က ထွက်လာတဲ့ သူ့လက်မောင်းဖွေးဖွေးကလေးတွေ

က ကားလက်တန်းကို ကိုင်ထားရရှာတယ်။ ကျန်တဲ့လက်တစ်ဖက်

ကလည်း စာအုပ်တစ်ချို့ကို ပိုက်လို့။


" စာအုပ်တွေ ကျွန်တော်ကိုင်ထားပေးမယ်လေ။ ပေးပါလား"

" ရပါတယ်။ တို့ကိုင်တတ်ပါတယ်။"

" ပေးပါဗျာ။ မတ်တပ်ရပ်စီးရတာချင်းအတူတူ ပေမယ့် မိန်းကလေး 

တစ်ယောက်ကိုတော့ ကျွန်တော်ကူညီပေးသင့်တာပေါ့"


သူ့စာအုပ်တွေကမ်းအပေးမှာ သူ့ပါးပြင်ဆီက သနပ်ခါးရနံ့က ကျွန်တော့်

နှာခေါင်းထဲ အလုအယက်တိုးဝင်လာတယ်။ ပါးပြင်မို့မို့လေးပေါ်က

ပါးကွက်ကြားကလေးတွေဟာ သူ့မျက်နှာရဲ့ အလှဒီဂရီကို အစွမ်းကုန်

မြှင့်တင်ပေးနေကြတယ်။ အကျီင်္ဝမ်းဆက်အောက်က သူ့ကိုယ်လုံး

သွယ်သွဝ်လေးဟာလည်း ကျွန်တော့မျက်လုံးထဲမှာ ယဉ်ယဉ်ကလေး။

အဲ .. ကျွန်တော်သဘောအကျဆုံးကတော့ သူ့တင်ဖျားအထိ ဝေ့၀ဲကျ

နေတဲ့ သူ့ရဲ့နက်မှောင်ပျော့ပျောင်းလှတဲ့ ဆံပင်ရှည်ရှည်တွေ။ 

တစ်ချက်တစ်ချက် သူ့ဆံပင်တွေဆီက အမွှေးရနံ့တစ်ခုခု ရလိုက်

သလိုလို။ သူဘာခေါင်းလျှော်ရည်များ သုံးပါလိမ့်။ ဆွဲယူမွှေးကြူ

ပစ်လိုက်ချစ်မိတယ်။ ကျွန်တော့ပါးယားသလိုလိုဖြစ်လာပေမယ့်

လက်မအားလို့ ပြန်ပွတ်မကြည့်လိုက်ရဘူး။ သူ့စာအုပ်ကို

ကြည့်လိုက်တော့ မနှင်းဝေခိုင်၊ Roll No . 318 , 1st MBBS , 

Section B တဲ့။ ကျွန်တော်တို့ အတန်းထဲက ဒီလိုမိန်းမလှလေးတစ်

ယောက်ကို သတိမထားမိတဲ့ ကျွန်တော့မျက်လုံးတွေကို ကျွန်တော်

ပြန်အပြစ်တင်နေမိတယ်။


" ပေးတော့ တို့သွားတော့မယ်"

" သြော်ဟုတ်ကဲ့ ကျွန်တော် ထိန်လင်းပါ"

" တို့သိပါတယ်။ ရှင်က နာမည်ကြီးပဲဟာ။ ကျေးဇူးပဲနော် "

" ရပါတယ်ဗျာ။ ဒါနဲ့ နေ့လည် Fresher Welcome လာမှာ မဟုတ်လား

လာခဲ့နော်။ Title ရမယ့်သူမရှိဘဲ ဖြစ်နေမှာစိုးလို့"

" တို့လာမှာပါ။ ရှင်တော်တော်စကားတတ်တယ်နော် "


သူ ထိုးလိုက်တဲ့ မျက်စောင်းလေးတစ်ချက်က ကျွန်တော့်ရဲ့အနက်ရှိုင်းဆုံး

နေရာအထိ စူးနစ် ၀င်ရောက်သွားခဲ့တယ်။ 

......


ကောင်းမြတ်(ရတီ)



အောင်မြင့်မြတ်(Myanmar Youths)