ငယ်ရေ
ရက်လနှစ်တွေ ကြာညောင်းခဲ့လဲ
မဟောင်းနိုင်တဲ့ ငါ့မေတ္တာ
မပြောင်းလဲတဲ့ ငါ့သစ္စာကို
ပထဝီမြေထု သက်သေပြုလို့
ယနေ့ထိတိုင် မမေ့နိုင်ခဲ့ဘူး
မဆုံစည်းနိုင်တော့ပေမဲ့
ခုန်ခဲ့ဖူးတဲ့ ရင်မှာ
သံယောဇဉ် သစ်ပင်လေးက
အမြဲထာဝရ ရှင်သန်နေဆဲပါ...
မဖြေသာတဲ့ ဝေဒနာကို
မမြင်ကွယ်ရာ အဝေးမှာ
ဖြေဆေးရယ် ရှာမတွေ့ပဲ
တနေ့နေ့ဆိုတဲ့ မျှော်လင့်ချက်လေးနဲ့
မင်းပြန်လာကို မျှော်နေမိတယ်..
ငယ်ရေ
အမုန်းတွေနဲ့လမ်းခွဲ
လွမ်းရဲလို့ လွမ်းနေတာ
မဟုတ်ပါဘူး ငယ်ရယ်
ငယ်တို့ချစ်ခရီးလမ်းလေး
ပျော်ရွှင်ချမ်းမြေ့အောင် လို့
ငါ့နှလုံးသားကို တံတားခင်း
နင်းခြေသွားပါတော့ ငယ်ရယ်.,
တစ်ကောင်ဘွား(ဓာတ်တော်)
09442095465
No comments:
Post a Comment
လာလည်သူအပေါင်းပျော်ရွှင်ပါစေ