ဒီနေ့ဟာဆိုရင်မှတ်မှတ်ရရကျွန်တော်တို့ကဗျာဂျာနယ်လေးလည်ပတ်လာတာကဗျာအပုဒ်ရေ၅၀ရှိခဲ့ပြီဖြစ်ပါတယ်။ကဗျာရေးသားပေးကြတဲ့ရွှေမြို့တော်သူငယ်ချင်းများနဲ့beeltalkသူငယ်ချင်းများအပြင်viberကနေပို့ပေးတဲ့ဝါသနာရှင်များကိုလည်းကျေးဇူးပါဗျာ။ဒီနေ့မှတိုက်ဆိုင်စွာပဲကဗျာပေးပို့သူကိုဗလရဲ့ကဗျာတွေပဲတင်ပေးရမှာဖြစ်ပါတယ်။ကိုဗလကျေးဇူးပါနော်။
===============================
''နှုတ်ဆက်ချိန်အလွမ်း''
ဝေးကြရတော့မယ်ကွယ်
ကုန်ဆုံးသွားခဲ့ အချိန်များ
ကိုယ်ဝယ်ထားချင်လိုက်တာ
တွေ့ဆုံကြုံကွဲ ဖြစ်မြဲပဲလို့
တရားပြလည်း
နားချမရတဲ့ အသည်း
ကြေမွအက်ကွဲ
ပြန်ဆုံဖို့ လမ်းစ
ရှာမရပါဘူး
ကံကြုံလို့ ပြန်ဆုံရင်တောင်
မသိယောင်ဆောင် ဖယ်ရှောင်သွားမှာ
ကြိုကာသိနှင့်
စိမ်းရင့်မျက်ဝန်းကြောင့်
လွမ်းခွင့်သာရှိလိမ့်မယ်ပေါ့
နှုတ်ဆက်ကြပြီကွယ်
မျက်ရည်လွှမ်းမယ့်ကာလများ
ကိုယ်ရှောင်သွားချင်လိုက်တာ
ပေးပို့သူ-ဗလ
===============================
''နင် သိပါစေ''
တွေးလေဆွေးလေ လွမ်းမပြေနှင့်
ဝေးမှတမ်းတ သတိရ၍
ငယ်ကချစ်ဦး မောင့်သက်ဆူးကို
ချိန်ခါနေ့ည တမ်းတတမို့
မှာတမ်းလေးတော့ ချွေပါရစေ
ဝေးမြေရပ်ခြား ဒေသများက
ကလေးသူငယ် လူမမယ်တို့
ပညာအလင်း ကောင်းစွာလင်းဖို့
ကျရာဝန်တာ နင်ကျေရှာတော့
ငါ့မှာအလွမ်း စုကာလွမ်းမိ ။
မိဝေးဖဝေး တနယ်ကျေးမှာ
အရာကိစ္စ မှန်သမျှကို
မမေ့သတိ ဆင်ခြင်မိသို့
ဂရုကျမ္မာ စိုက်လေပါဟု
ငါ့မှာနင့်တွက် စိုးရိမ်ဖြစ်မိ ။
ငါတို့အရေး ဘေးဖယ်တွေးတော့
နင်ကလောက သာယာလှဖို့
တတ်သိပညာ မနေသာတော့
ခေါင်ဖျားဒေသ တာဝန်ကျ၍
ငါ့ရဲ့အလွမ်း နင်သိစမ်းလိမ့် ။
ပေးပို့သူ-ဗလ
===============================
''နှင်းနုနုနွေ''
နွေရောက်ရုံနဲ့
နှင်းပျေက်သွားတတ်ပါသလား
ဆောင်းအကုန်
နွေအကူးဆိုသလိုပါပဲ
ဆောင်းကုန်သွားပြီဆိုပေမယ့်
နှင်းဝတ်ရုံပဝါလှလှလေးက
နွေတခါးမှာ
ခြေကလေးချကာ နေသွားပါသေးသည်
ဆောင်းရက်တွေ
ကုန်းဆုံးသွားပေမယ့်
ဆောင်းရဲ့လက်ကျန်
နှင်းငွေ့ဒဏ်က
နွေကိုတွန်းလှန်သေးသည်
အချစ်ရေ
အချစ်ရက်တွေ
ကုန်ဆုံးသွားပြီလို့ဆိုကြပေမယ့်
အချစ်လက်ကျန်
အလွမ်းဒဏ်က
ရင်ကိုထိမှန်နေပြန်ပြီကွယ်....
ပေးပို့သူ-ဗလ
===============================
တကယ်တော့ ငါရူးနေတာပါ
မချစ်ဖူးလို့ အချစ်ဆူး စူးခဲ့တာ
အချစ်ရူးလို့ သူတကာအလည်
မာယာတွေကြွယ်တဲ့ နင်က
ရင်နာစရာတွေ ပေးရက်လိမ့်မယ်လို့
မထင်ခဲ့တာ ချစ်တဲ့စိတ်တစ်ခုတည်းနဲ့
ယုံကြည်နေမိတာ ငါမှားလား
အချစ်ကို ကိုးကွယ်လို့ ဒဏ်ခတ်
ရာဇဝင်အကြောင်း ပုံပြင်ဟောင်းတွေက
ငါ့နှလုံးသားကို အသိပေးတားမြစ်
အချစ်ဦးကို ရင်ထဲစူးအောင်
ချစ်တဲ့အကြောင်းပြောပါရစေ
တကယ်တော့ ငါ ရူးနေတာပါ
ပေးပို့သူ-ဗလ
===============================
''လွမ်းခွင့်ရရုံလေးပါပဲ''
စူးရှတဲ့ မျက်ဝန်းတစ်စုံ
သိမ်မွှေ့တဲ့ အပြုံးတစ်ခု
ယဉ်ကျေးတဲ့ လမ်းလျှောက်ဟန်နဲ့အတူ
ပါးပြင်မှာသနပ်ခါး ပါးကွပ်ကြားလေးနဲ့
မင်းကိုငါ ချစ်မိနေပြီ
တကယ်တော့ ငါဟာ
အလွှာ ဓန ပကာသနတွေမရှိတဲ့
အညတြ တောသားတစ်ယောက်ရယ်ပါ
စစ်မှန်တဲ့ ငါ့အချစ်နဲ့ပတ်သတ်ပြီး
မင်းငြင်းပယ်ခွင့်ရှိပါတယ်ချစ်သူ
ဒါပေမယ့် မင်းနဲ့ပတ်သက်သမျှလေးတွေကို
ငါ့ကို လွမ်းခွင့်လေးတော့ပေးပါ
ချစ်သူရယ်***
ပေးပို့သူ-ဗလ
*****************************************
ဒီနေ့တော့ဒီလောက်ပဲပေါ့နော်။ကဗျာချစ်သူများအနေနဲ့လည်းမိမိတို့ခံစားချက်ကဗျာလေးတွေပေးပို့ချင်တယ်ဆိုရင်တော့ဖုန်းနံပါတ်09256480246
သို့viberဖြင့်ပေးပို့နိုင်ပါတယ်ခင်ဗျာ။ကဗျာပေးပို့ရာတွင်ကဗျာခေါင်းစဉ်နဲ့ကဗျာရေးသူနာမည်လေးထည့်ပေးဖို့မမေ့ကြပါနဲ့နော်။အခုလိုကဗျာလေးတွေကိုများများတင်ပေးနိုင်အောင်ကူညီချင်တယ်ဆိုရင်တော့MPT/OOREDOO/TELENORငွေဖြည့်ကဒ်Pinနံပါတ်လေးများကိုအထက်ပါဖုန်းနံပါတ်တွင်ပေးပို့ကူညီနိုင်ပါတယ်ခင်ဗျာ။ငွေဖြည့်ကဒ်ပေးပို့တဲ့အခါMPTဆိုMPTလို့ရေးပေးဖို့မမေ့နဲ့အုံးဗျ။
စီစဉ်တင်ဆက်သူ-အောင်မြင့်မြတ်
No comments:
Post a Comment
လာလည်သူအပေါင်းပျော်ရွှင်ပါစေ