ခေါင်းစဉ်မပါရှိပါ
မှိုင်းညို့ညို့လွင် ရွာမည်ပြင်၍
လျှက်စစ်ရောင်ဖြာ ထက်အာကာမှာ
ဇာမျှင်တိမ်ပန်း ရောင်ဝါလွှမ်းလျက်
ပြိုတော့မည်ရောင် မိုးနတ်မောင်
ရေးသူ-စစ်မျိုးဗလ
*****************************************
ပန်းခရေနဲ့အတူ
သွေ့ခြောက်မပျက် လှမဖက်၍
နွမ်းမပြေရနံ့ ထုံချယ်သန့်သည့်
ကြွေယူဝေမွှေး ပန်းကလေးနှင့်
ဘယ်ပန်းယှဉ်ပြိုင် ရနံ့လှိုင်လည်း
ခရေအလှ မှီနိုင်ကြအံ့ ။
ဝေစဉ်မကြွား မာန်မလွှား၍
လေသင့်ရာကြိုင် သူ့မဏ္ဍိုင်ကို
ကြွေလည်းမပျက် သူ့ရဲ့ဝတ်ကို
ကျေပွန်ဝန်တာ သူ့ဝန်တာသို့
လောကအလှ ဆင်ကာသလို့
လူတို့အသည်း ညို့ယူစွဲသည့်
ရှေ့ဆောင်လမ်းပြ ခရေလှသို့
တို့များအားကျ တွေးချင့်ဆ၍
ရှိသည့်စွမ်းအား မာနမလွှားပဲ
လောကအလှ ဆင်ကာသစို့ ။
ရေးသူ-စစ်မျိုးဗလ
*****************************************
ကျွန်ုပ်နှင့်သမိုင်း
နေ့ညမဟူ တွေးကြည့်ယူသည်
ကောင်းနိုးရာရာ စာကဗျာကို
ချိန်ဆနိူင်းညှိ ကျွန်ရေးပါ၏ ။
ရှေးခါမယ ထိုကာလက
ဝန်းကျင်ဖွဲ့ရေး လင်္ကာတေးနှင့်
ဖူးပွင့်ဝေဆာ စာကဗျာမှာ
တစ်ကြောင်းတစ်ခါ ထိမိပိုင်စွာ
စာကဗျာက သမိုင်းပြဆို
ရှေးစာဆိုတို့ မမေ့လိုခဲ့ ။
သြော်......
ယခင်ကာလ ရှေးခါကပင်
စာဆိုကဝိ ပညာရှိတို့
ဖော်ကျူးခဲ့ကြ ကဗျာလှကို
အသစ်ထွင်ဆန်း ခေတ်ယဉ်လမ်း၌
ရှေးမူမပျက် ကဗျာနှစ်ကို
ကျွန်ရေးခုခါ စာကဗျာသည်
သမိုင်းမော်ကွန်း တည်ပါစေသတည်း ။
ရေးသူ-စစ်မျိုးဗလ
*****************************************
ကဗျာဆရာနှင့်သူ၏ဘဝလမ်း
တစ်ပွင့်နှစ်ပွင့် သုံးလေးပွင့်မှ
ပန်းပွင့်များစွာ တွဲသီပါလည်း
သူ့မှာ ပန်းကုံး မရသေး ။
တစ်မီးနှစ်မီး သုံးလေးမီးမှ
ဆီမီးများစွာ ကူညှိပါလည်း
သူ့မှာ အလင်း မမြင်သေး ။
တစ်လမ်းနှစ်လမ်း သုံးလေးလမ်းမှ
လမ်းသစ်များစွာ ခင်းဖေါက်ပါလည်း
သူ့မှာ ပန်းတိုင် မရောက်သေး ။
သူမရလည်း
ပန်းလှဝေဖြာ ဖူးပွင့်သာသော်
ရင်မှာပီတိ သစ်ရသဲ ။
သူမလင်းလည်း
လင်းကြသူငါ မြင်တွေ့ပါသော်
ရင်မှာပီတိ သစ်ရမြဲ ။
သူမရောက်လည်း
ရောက်ကြပန်းတိုင် ဆွတ်ခူးနိုင်သော်
ကြိုင်လှိုင် ပြုံးပန်းပွင့်ရမြဲ ။
ဘဝတစ်ဆစ် လမ်းတစ်ထစ်မှာ
ချစ်မြတ်နိုးရာ စာကဗျာကို
လှရာရာရွေး မွှေးရာရာဆင်
ခုံမင်ဆန္ဒ အာသီသနှင့်
ဘဝလောကဓံ အန်တုခံယင်း
ရုန်းကန်လှုပ်ရှား အားသစ်ပွါးလျက်
နှလုံးသားအလှ ဆင်တကား ။
့(ပခုက္ကူ မောင်နီဝင်း)ရဲ့ ကဗျာလေးပါ
ရေးသူ-စစ်မျိုးဗလ
*****************************************
အမိမဲ့သား
ဘဝရေဇလာ ပင်လယ်ပြာမှာ
ရွက်လွင့်လှေငယ် အို ခရီးသည်
လှိုင်းကြီးလေထန် မုန်တိုင်းဒဏ်ကို
ခါးစည်းရင်ဆိုင် ကြံ့ကြံ့ခိုင်အောင်
သူလေကြိုးစား လိုရာသွားခဲ့ ။
အန္တရယ်ကြား သက်စွန့်စား၍
လူမမယ်လေး သားရှေ့ရေးတွက်
ဝမ်းရေးဖွေရှာ မနေသာ၍
သားမောင်လူလှ ဘဝလှဖို့
မျှော်တွေးကြံဆ ထုဆစ်သခဲ့ ။
ထုဆစ်ပုံဖေါ် ရုပ်လုံးပေါ်သော်
ရင်ဝယ်ပီတိ ကြည်နူးမိသို့
ပညာနို့သောက် မျိုးဂုဏ်စောင့်သိ
အကျိုးနိုင်ငံ ကျသည့်ဝန်တာ
သူကျေရာဟု မျှော်ထောက်ရှုမိ ။
သြော် ....
သားပေါ်မျှော်လင့် လူရည်တင့်ဖို့
ခြစ်ကုပ်ငွေလေး စုကာထွေး၍
အတွေးနစ်မျော ငိုသောကလေးကို
သံသာချိုတေး သားအိပ်ရေးတွက်
အမိမဲ့သား မေတ္တာများဖြင့်
သူကားရူးမတတ် ချစ်ခဲ့သည် ။
ရေးသူ-စစ်မျိုးဗလ
*****************************************
ဒီနေ့တော့ဒီလောက်ပဲပေါ့နော်။ကဗျာချစ်သူများအနေနဲ့လည်းမိမိတို့ခံစားချက်ကဗျာလေးတွေပေးပို့ချင်တယ်ဆိုရင်တော့ဖုန်းနံပါတ်09256480246
သို့viberဖြင့်ပေးပို့နိုင်ပါတယ်ခင်ဗျာ။ကဗျာပေးပို့ရာတွင်ကဗျာခေါင်းစဉ်နဲ့ကဗျာရေးသူနာမည်လေးထည့်ပေးဖို့မမေ့ကြပါနဲ့နော်။အခုလိုကဗျာလေးတွေကိုများများတင်ပေးနိုင်အောင်ကူညီချင်တယ်ဆိုရင်တော့MPT/OOREDOO/TELENORငွေဖြည့်ကဒ်Pinနံပါတ်လေးများကိုအထက်ပါဖုန်းနံပါတ်တွင်ပေးပို့ကူညီနိုင်ပါတယ်ခင်ဗျာ။ငွေဖြည့်ကဒ်ပေးပို့တဲ့အခါMPTဆိုMPTလို့ရေးပေးဖို့မမေ့နဲ့အုံးဗျ။
စီစဉ်တင်ဆက်သူ-အောင်မြင့်မြတ်
No comments:
Post a Comment
လာလည်သူအပေါင်းပျော်ရွှင်ပါစေ