''သတိထားပါ မိကဗျာ ''
မိကဗျာရေ...
နင့်ကိုသူတို့ကသိပ်ချစ်ကြသတဲ့
အရမ်းအရူးအမူးဖြစ်တယ်ဆိုပဲ။
အဲ့စကားကြားရင်မပြုံးပဲဝါးလုံးကွဲသာရယ်(ရီ)လိုက်ချင်မိတယ်
တကယ်တော့ မိကဗျာရေ...
နင့်ကိုအမွှမ်းတင်သလိုလိုနဲ့
သူတို့ဂုဏ်သူတို့ဖော်ထုတ်နေကြတာကလား။
တချို့ကအပျော်အပျက်
တချို့ကအဖော်အတွက်
တချို့ကကဗျာအယောင်ဆောင်
တချို့ကတဏှာခြင်ထောင်ထောင်
တချို့ကယုံကြည်ခြင်းနဲ့
တချို့ကဂုဏ်သတင်းအတွက်
တချို့ကလော်ဘီ
တချို့ကပေါ်လစီ
အဲ့သလို
အဲ့သလို
ဗရုတ်သုတ်ခမဟုတ်ဟုတ်ကတွေနဲ့
နင့်ပုံရိပ်ကိုဝတ်ဆင်
နင့်ကိုယ်ငွေ့ကိုခိုလှုံ
နင့်ကပသာဒကိုထိကပါးရိကပါး
နင့်မာနကတော့ရှိသလားမရှိသလားတောင်မသိတော့ပါဘူးဟာ။
အေး..တစ်ခုတော့ နင် သိထား...
မိကဗျာဆိုတာ မျိုးနဲ့ရိုးနဲ့
သမိုင်းနဲ့ရာဇဝင်နဲ့
ခေတ်တိုင်း ခေတ်တိုင်း နစ်နစ်ရှိုင်း
ရှိုင်းကို
စိတ်ကောင်းရှိမှစာကောင်းရခဲ့တာကိုပေါ့။
သတိတော့ထား မိကဗျာရေ
သတိတော့ထား
ခုခေတ်ကြီးကိုက လိမ်နိုင်မှပညာရှိ
ညာနိုင်မှဥာဏ်ကြီးရှင်
အမှန်အကန်ဖန်တီးရှင်တွေဘေးရောက်တဲ့ ခေတ်ဆိုတော့
နင့်ရာဇဝင်ထက် အမဲစက်တွေ
စွဲသထက်စွဲထင်နေအုံးမှာကိုတော့။
သတိတော့ထား..
မိကဗျာရေ..
သတိတော့ထားဟ...။
ခိုင်မြဲတည်(ပန်းပျိုးလက်)
ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246
No comments:
Post a Comment
လာလည်သူအပေါင်းပျော်ရွှင်ပါစေ