ရင်ဖွင့်စကားချစ်သူကြားစေ: ကဗျာဂျာနယ် အတွဲ ၁ အမှတ် ၉၄

❆ သူမ ❆
ဘယ်ဘက်ရင်ဘတ်က
တဒိန်းဒိန်း တဒိန်းဒိန်း
ဦးနှောက်ကသွေးတွေကပိုတိုး
လေပြေညင်းအလာ
အသက်ရှုကမမှန်သလို
ထိုအရာတွေက
သူမကိုမြင်တိုင်း.....

တလှမ်းခြင်းခြေအချ
ခါရမ်းသွားတဲ့သူမဆံသ
ပိတုန်းရောင်ကေသာ
ဖွံထွားထွားခန္ဓာ
ဖုးံအုပ်သွားမလား
ထင်မှတ်မှားရ......

ဖောင်းကစ်ကစ်
သူမပါးလေးထက်
စိတ်ကူးယဉ်အနမ်းလေးတပွင့်
နေ့စဉ်ခြွေချမိတယ်
ထိုကြောင့်
ဘယ်ဘက်ပါးအထက်
ပါးချိုင့်လေးကပိုပိုခွက်....

အသံစာစာတေးသံသာ
သူမဆိုသောအခါ
သံပတ်ပေး ဦးနှောက်လေးက
သူမအလိုကျခေါင်းညိတ်မိတာ.....

အတိတ်မှာသူမမရှိခဲ့ဘူး
ပစ္စုန်ပ္ပန် မှာသူ့မအရှေ့မှာ
ရပ်မိနေတယ်
လမ်းပိတ်သလိုဖြစ်သွားမှာလည်းစိုးတယ်
အနာဂတ်မှာတော့
ကျွန်တော့လက်ကိုသူမတွဲလို့
နွေးထွေးတဲ့ရင်ခွင်
ခိုဝင်လှည့်ဖို့.. ...။

စုန်း

___________________________________________
ချင်းတွင်းမြစ်ထဲက
စ်ာပန ့ ့ ့ ့

သောင်ပြင်ကိုလာရိုက်
အမှိုက်သရိုက်တချိူ့နဲ့
မျက်ရည်တို့နဲ့
စို့တက်လာတဲ့
မြစ်ရေတွေလား
ရှင်ခြင်းနဲ့သေခြင်ကြား
အမြန်ယာဉ်က
ခပ်ပါးပါးလေး
ကျီဇယ်လိုက်သည်ထင်
မြစ်ပြင်မှာတော့
ကြမ္မာငင်တဲ့
အနာဂါတ်ရဲ့
ကြယ်ပွင့်လေးတွေ
တကယ်ကြွေရှာပြီ
ကူညီပါအသံများ
မိုးသံကြားမှာ
တိုးမပေါက်ခဲ့
မရောက်တော့တဲ့
ရေစုန်ခရီး
မိချောင်းတွင်း မှာ
အဆုံးသတ်ခဲ့ပြီ
ဆူညံသံတချိူ့တော့
ခပ်အုပ်အုပ်
ကြားနေရတယ်
ဌာနေပြန်ဆရာတို့ရဲ့
စာအံသံတွေလား
တက်လမ်းတ၀က်နဲ့
ကျောင်းသားတွေရဲ့
ရယ်မောသံတွေလား
သေချာတော့မသိ
တအိအိနဲ့မှောက်သွားတဲ့
လှေဝမ်းအတွင်းမှာ
လင်းခနဲ့မြင်လိုက်ရတဲ့
မျက်နှာတချိူ့
သူတို့ဘယ်မှာလဲ့့့ 
မြစ်ရိုးတလျှောက်
ကောက်မကုန်တဲ့
အသက်မဲ့ခန္ဓာတွေ
မြစ်ရေအတက်မှာ
ခပ်သောက်မိတိုင်း
အငံဓာတ်မပျယ်သေးတဲ့
မျက်ရည်တွေ
ဌာနေပြန်မစိုက်တော့တဲ့
လူတသိုက်ရဲ့
ရည်မှန်းချက်
ကျောင်း၁၀ရက်ပိတ်လို့အပြန်
စာအံသံမျှော်တဲ့
ကလေးတို့ရဲ့
မျှော်လင့်ချက်
ချင်းတွင်းကရက်စက်လို့
အသက် အသက်တို့
လွင့်ကြွေခဲ့ရပြီ
နေရပ်ကိုအသော့ပြန်
ကန်တော့ရန်ဆိုတဲ့
သူတို့ဆန္ဒ
သလ္လာကဥပေက္ခာပြုသွားလေပြီ့့့့ 

သူရဇ္ဇ

___________________________________________
❆ နင်ပြန်မလာရင်နေ ❆

တိမ်ညိုတွေကုန်ပြန်ပြီပေါ့လေ
နှင်းငွေ့ဝေဝေ
အေးမြမြဆောင်းတည
မှီခိုဖူးတဲ့ဒီရင်ခွင်
တခါပြန်တမ်းတမိတယ်.....

နင်မရှိလည်းနေနိုင်ပါတယ်
ဟစ်ကြွေးသံကြား
အနှစ်မပါအသစ်ရှာမှုတောင်မလုပ်ဖြစ်တာငါ
အချစ်ဗလာနဲ့
ပစ်ခွာသွားတဲ့နင့်ကိုမှ
သတိယနေတာ
ထူးတော့ထူးဆန်းသား.....

ဆင်တူရိုးမှား
နှလုံးသားတံဆိပ်တု
ငါစားသုးံမိတယ်
အခုတော့ငါ့မှာ
ရောဂါဖြစ်လို့ကုသဖို့
အချစ်ဒေါက်တာပျောက်နေတယ်
သတိ
လမ်းမမှားရ
ငါ့အသဲဗဟိုထည့်မယ့်ဆေး
၁၅၀၀ ဘဲပေးနိုင်မယ်.....

မမေ့နိုင်မယ့်အတူတူ
ပြန်လာမယ့်လမ်းကိုမျှော်မနေတော့ဘူး
သွားရောက်ကာခေါ်ယူမယ်
လွမ်းတတ်အောင်သင်ပေးတဲ့နင့်ကို
ချစ်တတ်အောင်ပြန်သင်ပေးမယ်.....

တချိန်ကလို
နံနက်တိုင်းမက်ဆေ့ပို့လို့
နင့်ကိုနိုးမယ်
အိပ်ပြီနော်လို့
ညတိုင်းသံတော်ဦးတင်ပြီး
နင့်စကားကလွဲ
ကျန်တာဖွဲနဲ့စကွဲဖြစ်စေရမယ်
အရင်ငါဆိုးခဲ့သမျှကိုတော့
ပြည်ဖုးံကားချလို့
နင့်ခွင့်လွှတ်ပေး.......။

စုန်း
___________________________________________

ဖြေဆေး

အလင်းရောင်ငယ်
ညအလယ်မှာပွင့်
လမင်းနဲ့တော့
မယှဉ်သာ
ကြယ်တာယာအစုံပွင့်
ကောင်းကင်မှာဝံ့
တိမ်ညိုတွေမဖွင့်ခင်တော့
လွင့်ကြွေမစောစေချင်
အလင်းကိုအမှီပြု
လွမ်းမှု့ ပိုခဲ့တဲ့
အဖော်မဲ့ဝေဒနာညကို
ကြယ်ဗလာနဲ့တော့
မကုန်ဆုံးချင်
လမင်းနှင်
စိန်ခေါ်ပြေး
တိမ်မှင်ရေးတဲ့
ညကဗ္ဗလာထက်မှာ
ရောက်တက်ရာရာသွား
ကုန်လွန်လွယ်တဲ့
အချိန်ရထား
လက်တံဖျားမှာ
အတည်တကျမရှိသော်လည်း
ဒီတညတော့
အလင်းဖျော့ဖျော့တချိူ့
ငါ့ဖို့ချန်ခဲ့ပါ
လမင်းမသာရင်နေ
ငွေကြယ်တွေ
အကုန်မပွင့်သော်လည်း
အထုံ ဖြစ်စေမယ့်
ဝေဒနာအစကို
ဖြေစရာရစေမယ့်
အလင်းတစက်
ချွင်းချက်အဖြစ်
နှင်းအပ်ခဲ့ရင်သာ
ဖြေသာပါပြီ့့့့ ။

သူရဇ္ဇ

___________________________________________

အဘယ့်ကြောင့်

စွန့်လွတ်လိုက်ရပြန်ပြီတရက်
ထွက်သက်တခါထုတ်
ပြယုဂ်မဟုတ်တဲ့
သူ့ကိုယ်ပွား
ငါ့အနားမှာရစ်ဝဲ
နင်မချစ်ပဲ
အဘယ်ကြောင့်
ငါ့ကိုစွဲလမ်းစေသနည်း
ဖြတ်သန်းရပြန်ပြီဒီတနေ့
အလွမ်းငွေ့ ငွေ့ကျန်
ရှေ့ဆက်ငါ့မနက်ဖြန်
မင်းထံမှာအပ်
ငါ့အသက်
မင်းကိုမပေးလည်း
အဘယ့်ကြောင့်
ငါနင့်အတွက်
သေရဲခဲ့သလဲ့့ 
မှေးစက်ရပြန်ပြီဒီတည
မျက်လုံးကိုအိပ်မွေ့ချမရ
တစ တစနဲ့
ညကနက်လာ
အိပ်ယာထက်
လိပ်ပြာမကပ်တဲ့
ငါ့ခန္ဓာစေစားရာမဲ့
ဦးနှောက်ထဲက
အသိဥာဏ်ဆိုး
နင်လှန့်မနိူးလည်း
အဘယ့်ကြောင့်ငြိုး
ငါအိမ်မက်ဆိုးတွေ
မက်ရသနည့်း့့့ ။